Helst skulle eg ha parkert bilen for vinteren, avskilta den, fått gjort masse vedlikehald av motor , bytte av travers, montering av veltebøyle, osb.. osb..
Meeeeen, det er så latterlig moro når det kjem litt snøv
Litt må eg få tid til å gjere likevel. Eg har tidligare røla om fettsuging av seta, der eg har fjerna puta som ligg i ryggen. Det gir masse sidestøtte og det er faktisk ok, men du vil merke stålramma i ryggen på sete på lengre turar. Eg har derfor gått til innkjøp av "memory foam" puter på ebay. 200kr for to stykk er billig! men du får det du betalar for då skummet brukar betydelig meir tid på å kollapse samtidig som det er vesentlig hardare enn kjente merkevarer som Wellpur.
Under kan du sjå eine puta som vart ofra heilt til venstre. Eg kjøpte to stykk, men det var nok med den eine.
Den orginale puta prøvde eg å trimme ned, på ein slik måte at den skulle kollapse heilt når den vart belasta. Denne ideen vart forkasta.
Den nye løysinga er enkel og billig - men for å vere heilt ærleg så trur eg at mykje av det samme resultatet kunne vore oppnådd ved å trimme ned den orginale puta.
Eg vil også nemne at dette er veldig enkelt å prøve ut. Det er så enkelt som å klippe 3 stykk "hogrings" i underkant av seteryggen, så er det berre å drage ut trekket frå framsida av seteryggen. 6 stykk ringar festar sjølve fyllet til seteryggen, klipp dei så kan du ta det ut. Når det er gjort er det berre å klippe, skjære, og tilpasse, eventuelt fylle inn gamle sokkar eller høy, eller "memory foam"
1.) Nytt feste wire feste for elektrisk opnar på bakluka. Tidligare var wiren stripsa fast til mekanismen, dette vart sjølvsagt for slakt over tid, så no har eg ordna nytt feste. Festet er ein ringkabelsko som eg har klipt opp for så å klemme rundt metallstanga som går mellom låsesylinder og låsen.
To ekstra oppklipte kabelsko fungerte fint for å klemme sammen wiren.
2.) Understellet får seg litt bank med jamne mellomrom. Der understellsbehandlinga har blitt skrapa av har eg heve på hammerite rett oppå, uten å slipe vekk overflaterust. Det er mest sannsynlig slitt vekk til neste vinter, men det er vel lov å prøve
Dårlig ide?
3.) Kinroad buggy! Artig sak kjøpt for ca 5 år sidan, mishandla og skamkjørt, og moro var det. Den treng nye delar, og ein del arbeid. Så den fekk nye eigarar. Så då er endelig grava tom igjen, og eg kan endelig jobbe med bilen uten hinder.
Eg fann nokre gamle takstativ, og eg får med ein gong idear om å gjere denne bilen meir praktisk. Eg har maaaaange idear, og ein del av dei er dårlige. Meget mulig dette er ein av dei dårlige då innfestinga må modifiserast for å få det til å sitte fast både på hardtoppen og bakluka. Eg legg denne på is.
Eg har hatt eit lite irritasjonsmoment der bilen nappar og rykker når eg bremsar på 2. giret ned ei gate der eg bor. Eg innbilte meg at dette kunne vere slappe differensial foringar. Eg henvender meg til internett, og søker "diy engine mount" og det eg finn ut er at eg rett og slett kan dryse inni fugemasse (eller helst 2-komponent ett eller anna fancy shit) i foringa for å gjere den stivare. Dette tenker eg får duge, og eg slepp å trykke foringane ut av diffen. Sweet? tja..
Eg gjekk for denne løysinga - ein rørbit av pvc, kappa ca 3cm lang fylt med fugemasse. Røret støtta opp foringa strukturelt, og når eg monterte på den nedre foringa, så blir det ein del spenn som bidreg til å gjere opphenget stivare. I teorien så ville større rørdiameter gitt meir stivheit.
Å fysisk fylle heile festet med ei stiv fugemasse trur eg hadde vore bedre - men eg droppa dette då eg innsåg at fugemassa ville komme i gjengane på festebolten, og essensielt gjere det heile til eit lite helvete å demontere.
Fungerar det? ja, faktisk. Anbefalar eg dette? Nei, stikk å kjøp stivare diff fester, eller eventuelt slike "poly diff inserts" som vil fungere på akkurat samme måte som å fylle opp med ei fugemasse. DIY metoden min er neppe billigare med mindre du allereie har matriala og utstyret som trengs.
Bilde nr.3 viser min patentere anti-rust taktikk som går ut på å dekke ting med universalfett
Sidan er er så godt igang med shady mechanic stuff så legg eg med denne. diy kat erstattar.
Du treng: 1) billig flex rør frå ebay 2) eksospasta frå biltema 3) 1 stykk sprayflaske med startgass 4) 1 stykk kaputt katalysator for flensar
Det ser ut som dritt. Men det fungerte! heilt tett også! Eg tok meg ein køyretur med dette, og vart raskt minna på kvifor eg skifta ut den tomme katalysatoren min (sjå:
http://mx5-miata.no/phpbb/viewtopic.php ... 76#p194276). Rå og brutal lyd! Alt for rå og brutal! Eg fekk kommentarar frå mor mi om at ho kunne høyre bilen når den var godt over 1km vekke, og det var når ho sat inne å såg på tv. Eg syns helder ikkje at det er så kult at det hørest ut som 350 gamp når der i realiteten er mykje mindre.
Demonter og putta i ei skuff. Mykje bedre med katalysator ja. Om du har ei liste med dårlige idear så kan du skrive opp denne.
Men, eg må gi litt kred til biltema sin reprasjonspasta - den fungerar faktisk overraskande bra, i alle fall den eine dagen eg køyrde med dette på bilen.